|
Ҷилди I: РОЙ ЗАДАНИ ЗОЛ БО МӮБАДОН ДАР КОРИ РӮДОБА
Чӣ бинанд фарзонагон андар ин?»
Бубастанд лаб мӯбадону радон,
Сухан баста шуд бар лаби бихрадон,
Ки Заҳҳок Меҳробро буд ниё,
В-аз эшон дили шоҳ пуркимиё.
Кушода сухан кас наёраст гуфт,
Ки нашнид кас нӯш бо заҳр ҷуфт.
Чу нашнид аз эшон сипаҳбад сухун,
Биҷӯшиду рои нав афканд бун,
Ки «Донам, ки чун ин пижӯҳиш кунед,
Бад-ин рой бар ман накӯҳиш кунед.
Валекин ҳар он, к-ӯ гузинад маниш,
Бибояд шунидаш басе сарзаниш.
Маро гар бад-ин раҳнамоиш кунед,
В-аз ин банд роҳи кушоиш кунед, 1 2 3 4 5 6 7 >>> |