|
Ҷилди I: РАФТАНИ ЗОЛ БА РАСУЛӢ НАЗДИ МАНУЧЕҲР
Камандам бияндохт аз даст шаст,
Замона маро божгуна бибаст.
Супурдем навбат кунун Золро,
Ки шояд камарбанду кӯполро.
Чу ман кардам, ӯ душманон кам кунад,
Ҳунарҳои ӯ дил-т хуррам кунад.
Яке орзу дорад андар ниҳон,
Биёяд, бихоҳад зи шоҳи ҷаҳон.
Яке орзу, к-он ба Яздон накӯст,
Куҷо некуӣ зери паймони ӯст.
Накардем бе рои шоҳи бузург,
Ки банда набояд, ки бошад сутург,
Ҳамоно, ки бо Зол паймони ман
Шунидаст шоҳи ҷаҳонбони ман,
Ки бо ӯ бикардам миёни гурӯҳ, 1 2 3 4 5 6 7 8 9 10 11 12 >>> |