|
Ҷилди I: РАФТАНИ ЗОЛ БА РАСУЛӢ НАЗДИ МАНУЧЕҲР
Бишуд об гурдони Мозандарон,
Чу ман даст бурдам ба гурзи гарон.
Зи ман гар набудӣ ба гетӣ нишон,
Бароварда гардан зи гарданкашон,
Чунон аждаҳо, к-ӯ зи рӯди Кашаф
Бурун омаду кард гетӣ чу каф,
Замин шаҳр то шаҳр болои ӯ,
Ҳамон кӯҳ то кӯҳ паҳнои ӯ.
Ҷаҳонро аз ӯ буд дил пурҳарос,
Ҳаме доштандӣ шабу рӯз пос.
Ҳаво пок карда зи паррандагон,
Ҳамон рӯи гетӣ зи даррандагон.
Зи таффаш ҳаме парри каргас бисӯхт,
Замин зери заҳраш ҳаме барфурӯхт.
1 2 3 4 5 6 7 8 9 10 11 12 >>> |
