|
Ҷилди I: РАФТАНИ ЗОЛ БА РАСУЛӢ НАЗДИ МАНУЧЕҲР
Кунун ранҷу меҳраш ба ҷое расид,
Ки бахшоиш орад, ҳар он к-аш бидид.
Зи бас дард к-ӯ хурд бар бегуноҳ,
Чунон рафт паймон, ки бишнид шоҳ.
Гусӣ кардамаш бо дили мустаманд,
Чу ояд ба наздики тахти баланд,
Ҳамон кун, ки бо меҳтарӣ дархурад,
Туро худ наёмӯхт бояд хирад.
Ба гетӣ маро худ ҳамин асту бас,
Чи андӯҳгусору чӣ фарёдрас.
Зи Соми Наримон ба шоҳи ҷаҳон
Ҳазор офарин боду ҳам бар меҳон!
Чу нома набиштанду шуд рой рост,
Ситад зуд Дастону бар пой хост. 1 2 3 4 5 6 7 8 9 10 11 12 >>> |