|
Ҷилди I: ОМАДАНИ ЗОЛ БО НОМАИ СОМ
БА НАЗДИ МАНУЧЕҲР
Барорам, бисозам ҳама коми ту,
Ки ин аст фарҷому анҷоми ту.
Ту якчанд мебош наздам ба пой,
Ки то ман ба корат занам нек рой.»
Бибурданд холигарон хони зар,
Шаҳаншоҳ биншаст бо Золи Зар.
Бифармуд, то номдорон ҳама
Нишастанд бар хони шоҳи рама.
Чу аз хони хусрав бипардохтанд,
Ба тахти дигар ҷой месохтанд.
Чу май хӯрда шуд, номвар пури Сом
Нишаст аз бари аспи зарринситом.
Бирафту бипаймуд болои шаб,
Пурандеша дил, пур зи гуфтор лаб.
1 2 3 4 5 >>> |