|
Ҷилди II: ХОНИ ДУВУМ
ЁФТАНИ РУСТАМ ЧАШМАИ ОБ
Аз он рафтани меш андеша хост,
Ба дил гуфт, обишхур ин ҷо куҷост?
Ҳамоно, ки бахшоиши кирдгор
Фароз омадаст андар ин рӯзгор.
Бияфшурд шамшер бар дасти рост,
Ба зӯри ҷаҳондор бар пой хост.
Бишуд дар паи мешу теғаш ба чанг,
Гирифта ба дасти дигар полҳанг.
Ба раҳ-бар яке чашма омад падид,
Ки меши сарафроз он ҷо расид.
Таҳамтан сӯи осмон кард рӯй,
Чунин гуфт, к-эй довари ростгӯй,
Бар ин чашма ҷои паи меш нест,
Ҳамон ғурми даштӣ маро хеш нест.
1 2 3 4 5 >>> |
