|
Ҷилди II: ХОНИ ҲАФТУМ
КУШТАНИ РУСТАМ ДЕВИ САПЕДРО
Задаш бар замин ҳамчу шери жиён
Чунон к-аз тани вай бурун кард ҷон.
Фурӯ бурд ханҷар, дилаш бардарид,
Ҷигар-ш аз тани тира берун кашид.
Ҳама ғор яксар тани кушта буд,
Ҷаҳон ҳамчу дарёи хун гашта буд.
Биёмад, зи Авлод букшод банд,
Ба фитрок баст он каёнӣ каманд.
Ба Авлод дод он кашида ҷигар,
Сӯи шоҳ Ковус бинҳод сар.
Бад-ӯ гуфт Авлод, к-эй наррашер,
Ҷаҳонро ба теғ оваридӣ ба зер.
Нишонҳои банди ту дорад танам,
Ба зери камандат ҳаме бишканам.
1 2 3 4 5 6 7 8 9 10 11 12 >>> |
