|
Ҷилди II: ХОНИ ҲАФТУМ
КУШТАНИ РУСТАМ ДЕВИ САПЕДРО
Ба ранги шаба рӯю чун шир мӯй,
Ҷаҳон пур зи болову паҳнои ӯй.
Ба ғор - андарун дид рафта ба хоб,
Ба куштан накард эч Рустам шитоб.
Биғуррид, ғурридане чун паланг,
Чу бедор шуд, андаромад ба ҷанг.
Сӯи Рустам омад чу кӯҳи сиёҳ,
Зи оҳан-ш соид, зи оҳан кулоҳ.
Яке осиёсангро даррабуд,
Ба наздики Рустам даромад чу дуд.
Аз ӯ шуд дили пилтан пурниҳеб,
Битарсид к-ояд ба тангӣ нишеб.
Барошуфт бар сони шери жиён,
Яке теғи тезаш бизад бар миён.
Ба нерӯй Рустам зи болои ӯй
1 2 3 4 5 6 7 8 9 10 11 12 >>> |
