|
Ҷилди II: ҶАНГИ КОВУС БО ШОҲИ МОЗАНДАРОН
Зи девон ҳар он кас, ки буд носипос,
В-аз эшон дили анҷуман пурҳарос,
Бифармудашон, то буриданд сар,
Фиканданд ҷое, ки буд раҳгузар.
Аз он пас биёмад ба ҷои намоз,
Ҳаме гуфт бо довари пок роз,
Ки, эй додгар, довари корсоз,
Ту кардӣ маро дар ҷаҳон бениёз.
Ту додӣ маро даст бар ҷодувон,
Сари бахти пирам ту кардӣ ҷавон.
Ба як ҳафта бар пеши Яздони пок
Ҳаме бо ниёиш бипаймуд хок.
Ба ҳаштум дари ганҷҳо кард боз,
Бубахшид, бар ҳар кӣ будаш ниёз.
1 2 3 4 5 6 7 8 9 10 11 12 13 14 15 16 17 18 19 20 21 >>> |
