|
Ҷилди II: ҶАНГИ КОВУС БО ШОҲИ МОЗАНДАРОН
На рагшон биҷунбид гӯӣ, на хун.
Ба овоз гуфт он замон шаҳрёр,
Чӣ буд, эй далерону мардони кор,
К-аз ин дев дилтон чунин хира шуд,
Аз овози ӯ рӯятон тира шуд?
Надоданд посух далерон ба шоҳ,
Зи Ҷӯё бипажмурд, гуфтӣ , сипоҳ.
Яке баргироид Рустам инон,
Ба гардан баровард рахшон синон,
Ки дастур бошад маро шаҳрёр
Шудан пеши ин деви носозгор.
Чунин гуфт Ковус, к-ин кори туст,
Аз Эрон нахоҳад кас ин разм ҷуст.
Бирав, к-офаринанда ёри ту бод,
Ҳама деву ҷоду шикори ту бод. 1 2 3 4 5 6 7 8 9 10 11 12 13 14 15 16 17 18 19 20 21 >>> |