|
Ҷилди II: ГУЗАШТАНИ СИЁВУШ БАР ОТАШ
Ҳаме дод мужда якеро дигар,
Ки бахшуд бар бегунаҳ додгар.
Ҳамеканд Судоба аз хашм мӯй,
Ҳамерехт обу ҳамехаст рӯй.
Чу пеши падар шуд Сиёвахш пок,
На дуду на оташ, на гарду на хок,
Фуруд омад аз асп Ковусшоҳ,
Пиёда сипаҳбад, пиёда сипоҳ.
Сиёвуш ба пеши ҷаҳондори пок
Биёмад, бимолид рухро ба хок,
Ки аз таффи он кӯҳи оташ бираст,
Ҳама комаи душманон кард паст.
Бад-ӯ гуфт шоҳ: «Эй далери ҷаҳон,
Ки покизатухмиву равшанравон, 1 2 3 4 5 6 7 8 >>> |