|
Ҷилди II: ГУЗАШТАНИ СИЁВУШ БАР ОТАШ
Яке хӯди заррин ниҳода ба сар.
Ҳушивор бо ҷомаҳои сапед,
Лаби пур зи ханда, дили пурумед.
Яке борагӣ барнишаста сиёҳ,
Ҳаме гарди наълаш баромад ба моҳ.
Пароканд кофур бар хештан,
Чунон чун бувад созу расми кафан.
Бад-он гаҳ ки шуд пеши Ковус боз,
Фуруд омад аз аспу бурдаш намоз.
Рухи шоҳ Ковус пуршарм буд,
Сухан гуфтанаш бо писар нарм буд.
Сиёвуш бад-ӯ гуфт: «Андуҳ мадор,
К-аз ин сон бувад гардиши рӯзгор.
Сари пур зи шарму табоҳӣ марост,
Агар бегуноҳам, раҳоӣ марост. 1 2 3 4 5 6 7 8 >>> |