|
Ҷилди III: КУШТА ШУДУНИ ПИЛСАМ БА ДАСТИ РУСТАМ
Дигарбора зад бар сари тарки ӯй,
Шикаста шуд он теғи пархошҷӯй.
Ҳаме гашт бо ҳар ду ял Пилсам,
Ба майдон ба кирдори шери дижам.
Чу Рустам зи ?алби сипаҳ бингарид,
Ду гурди далери гаронмоя дид,
Баровехта бо яке шермард,
Ба абр андароварда аз бод гард.
Ба дил гуфт Рустам, ки ҷуз Пилсам
Зи туркон надорад касе боду дам.
Ва дигар, ки аз пирсар мӯбадон,
Зи ахтаршиносону аз бихрадон,
Зи ахтар баду нек бишнида буд,
?аҳонро чапу рост паймуда буд,
1 2 3 4 5 6 7 8 9 10 >>> |