|
Ҷилди III: ПАЙМОН БАСТАНИ КАЙХУСРАВ
БО КОВУС АЗ КИНИ АФРОСИЁБ
Ту дон?, ки солори туронсипоҳ
На парҳез дорад, на тарс аз гуноҳ.
Ба вайрону обод нафрини ӯст,
Дили бегуноҳон пур аз кини ӯст.
Бар ин марзи боарз оташ бирехт,
Ҳама хоки ғам бар далерон бубехт.
Ба бедод хуни Сиёвуш ба хок
Ҳаме рехт, то ҷони мо кард чок.
Дили шаҳрёрон пур аз бими ӯст,
Балои ҷаҳон тахту дайҳими ӯст.
Ту дон?, ки ӯро зи бад гавҳар аст,
Ҳамон баднажод асту афсунгар аст.
Фаровон бимолид рух бар замин,
Ҳаме хонд бар кирдгор офарин. 1 2 3 4 5 6 7 8 9 >>> |