|
Ҷилди III: ПАЙМОН БАСТАНИ КАЙХУСРАВ
БО КОВУС АЗ КИНИ АФРОСИЁБ
Дигар чун ниё шоҳи озодамард,
Ки аз дил ҳаме баркашад боди сард.
Ба Эрон зану мард аз ӯ пурхурӯш
Зи бас куштану ғорату ҷангу ҷӯш.
Кунун, гар ҳама вижа ёри манед,
Ба дил сар ба сар дӯстдори манед,
Ба кини падар баст хоҳам миён,
Бигардонам ин бад зи эрониён.
Агар ҳамгинон боз ҷанг оваред,
Бикӯшеду расми паланг оваред,
Маро ин ҳам аз пеш берун шавад,
Зи ҷанги ялон кӯҳ ҳомун шавад.
Ҳар он хун, ки ояд бар ин рехта,
Гунаҳкор ӯясту овехта.
1 2 3 4 5 6 7 8 9 >>> |