|
Ҷилди VI: ОГОҲӢ ЁФТАНИ БЕЖАН АЗ
ОМАДАНИ РУСТАМ
Чунин гуфт, к-«Акнун бибоист гуфт,
Аё меҳрубон ёру ҳушёр ҷуфт.
Сазад, гар ба ҳар кор пандам диҳӣ,
Ки мағзам ба ранҷ - андарун шуд тиҳӣ.
Ту бишнос, к-он марди гавҳарфурӯш,
Ки холигараш мар туро дод нӯш.
Зи баҳри ман омад ба Турон фароз,
В-агар на ба гавҳар набудаш ниёз.
Бубахшуд бар ман ҷаҳонофарин,
Бубинам магар паҳн рӯи замин.
Раҳонад маро з-ин ғамони дароз,
Туро з-ин такопӯи гарму гудоз.
Ба наздики ӯ рав, бигӯяш ниҳон,
Ки эй паҳлавони каёни ҷаҳон!
1 2 3 4 5 6 7 8 9 10 11 12 >>> |
