|
Ҷилди VI: ОГОҲӢ ЁФТАНИ БЕЖАН АЗ
ОМАДАНИ РУСТАМ
Бигӯяш, ки оре худованди Рахш
Туро дод Яздони фарёдбахш.
Зи Зобул ба Эрон, зи Эрон ба Тур,
Зи баҳри ту паймуд ин роҳи дур.
Чу ин гуфта бошӣ, сухан роз дор,
Шаби тира гӯшат ба овоз дор.
Зи беша фароз ор ҳезум ба рӯз,
Шаб ояд, яке оташе барфурӯз».
Манижа зи гуфтори ӯ шод шуд,
Дилаш з-андуҳон яксар озод шуд.
Биёмад дамон то бад-он кӯҳсор,
Ки будаш ба чоҳ - андарун ғамгусор.
Бигуфташ, ки «Додам саросар паём
Бад-он некпай фаррухи некном».
1 2 3 4 5 6 7 8 9 10 11 12 >>> |
