|
Ҷилди V: Разми Гударз бо Пирон
Бидонист, к-омад замонаш фароз,
В-аз он рӯзи тира наёбад ҷавоз.
Зи Гударз бугрехт, шуд сӯи кӯҳ,
Шуд аз дарди дасту * давидан сутӯҳ,
Ҳаме шуд бар он кӯҳсар-бар давон,
К-аз ӯ бозгардад магар паҳлавон.
Нигаҳ кард Гударзу бигрист зор
Битарсид аз он гардиши рӯзгор.
Бидонист, к-аш нест бо кас вафо,
Миён баста дорад зи баҳри ҷафо.
Фиғон кард, к-«Эй номвар паҳлавон,
Чӣ будат, ки эдун пиёда давон,
Ба кирдори нахчир дар пеши ман,
Куҷот он сипоҳ, эй сари анҷуман?
1 2 3 4 5 6 7 8 9 >>> |