|
Ҷилди V: Зинҳор хостани турониён
аз Кайхусрав
Бибуд шоҳ чанде бар он размгоҳ,
Бад-он то кунад соз кори сипоҳ.
Диҳад подшоҳӣ, киро дарх(в)ар аст,
Касе к-аз дари хилъату афсар аст .
Ба Гударз дод он замон Исфаҳон,
Кулоҳи бузургиву тахти меҳон.
Бузургон, ки буданд бо ӯ ба ҷанг,
Чи аз кӯшиши кину он ному нанг .
Ба андоза андархури корашон
Биёрост хилъат сазоворашон.
Аз онон, ки буданд монда ба ҷой,
Ки Пирон бар эшон ба сар буд ба пой. *
Фиристода омад ба наздики шоҳ
Хирадманд гурде зи туронсипоҳ,
Ки «Мо шоҳро бандаву чокарем,
1 2 3 4 5 6 7 >>> |
