|
Ҷилди V: Зинҳор хостани турониён
аз Кайхусрав
В-агарна ба чанги паланг-андарам,
Хури каргасон аст мағзи сарам.
Кунун бар шумо гашт кирдори бад,
Шиносад ҳар он кас, ки дорад хирад.
Наям ман ба хуни шумо шуста чанг,
Нагирам чунин кори душвор* танг.
Ҳама яксара дар паноҳи манед,
Агарчанд бадхоҳи гоҳи манед.
Ҳар он кас, ки хоҳад, ки бошад равост,
Дар ин кор н-афзоиш ояд, на кост.
Ҳар он кас, ки хоҳад, ки зӣ шоҳи хеш
Гузорад, нагирам бар ӯ роҳ пеш.
Зи бешиву каммиву аз ранҷу оз
Ба нерӯи Яздон шудам бениёз. 1 2 3 4 5 6 7 >>> |