|
Ҷилди V: Зинҳор хостани турониён
аз Кайхусрав
Ки «Мо шоҳро бандаву чокарем,
Замин ҷуз ба фармони ӯ наспарем.
Кас аз хости Яздон наёбад раҳо,
Агарчи бувад дар дами аждаҳо.
Сипаҳбад шиносад, ки мо худ кием,
Миён танг баста зи баҳри чием.
Набудмон ба кори Сиёвуш гуноҳ,
Бибурд Аҳриман шоҳро дил зи роҳ.
Яке бодсор аст нопокрой,
На шарм аз бузургон, на тарс аз Худой.
Аз он рӯз то ин замон хастаем,
Зи дарди дил аз дида рух шустаем.
Ба Турон ҳама дудмон пурғам аст,
Зану кӯдаки хурдро мотам аст.
1 2 3 4 5 6 7 >>> |
