|
Ҷилди V: Зинҳор хостани турониён
аз Кайхусрав
Ҳамон лашкар аст ин, ки сар пур зи кин
Ҳаме хок ҷустанд аз Эронзамин,
Ки заҳри газоянда бипроканад,
Сари саркашон андар он афканад.
Чунин кардашон ин замон додгар,
На рою на дониш, на пову на сар.
Бад-ӯ даст ёзам, ки ӯ ёр бас,
Зи гетӣ нахоҳам ба фарёд кас .
Бар ин достон зад яке нек рой,
Ки аз кин ба зин андаровард пой,
Ки ин бора рахшанда тахти ман аст,
Кунун кори бедорбахти ман аст.
Бар ин кин агар тахту тоҷ оварем,*
В-агар расми тобути соҷ оварем.*
1 2 3 4 5 6 7 >>> |
