|
Ҷилди V: Омадани Ҷаҳн бо пайғоми Афросиёб
назди Кайхусрав
Туро Гангдиж бошад оромгоҳ,
Набинад маро низ шаҳру сипоҳ.
Чу ояд маро рӯзи кинхостан,
Ба пиронсар ин* лашкар оростан,
Биёям, бихоҳам зи ту кини хеш,
Ба ҳар ҷой пайдо кунам дини хеш.
В-агар кина аз мағз берун кунӣ,
Ба меҳр-андарун кишвар афсун кунӣ,
Кушоям дари ганҷу тоҷу камар,
Ҳамон ганҷи динору зарру гуҳар,
Ки Тури Фаридун зи Эраҷ ниҳод,*
Ту бардору аз кин макун ҳеч ёд.
В-агар Чину Мочин бигирӣ, равост,*
Бар он рон ҳама коми дил, к-ат ҳавост.
1 2 3 4 5 6 7 8 9 10 11 12 13 14 15 16 17 18 19 20 21 >>> |
