|
Ҷилди I: АНДАР СИТОИШИ СУЛТОН МАҲМУД
Ба каф абри баҳман, ба дил рӯди Нил.
Сари бахти бадхоҳ аз хашми ӯй
Чу динор хор аст бар чашми ӯй.
На кундоварӣ гирад аз тоҷу ганҷ,
На дил тира дорад зи разму зи ранҷ.
Ҳар он кас, ки дорад зи парвардагон,
Зи озоду аз некдил бардагон,
Шаҳаншоҳро сар ба сар дӯстдор,
Ба фармон бибаста камар устувор.
Шуда ҳар яке шоҳ бар кишваре,
Равон номашон дар ҳама дафтаре,
Нахустин бародар-ш кеҳтар ба сол,
Ки дар мардумӣ кас надорад ҳамол.
Зи гетӣ парастандаи фарри Наср,
Зияд шод дар сояи шоҳи аср.
1 2 3 4 5 6 7 >>> |
