|
Ҷилди I: АНДАР ХОБ ДИДАНИ ЗАҲҲОК ФАРИДУНРО
Зи кишвар ба наздики хеш оварид,
Бигуфт он ҷигархаста хобе, ки дид.
Бихонду ба як ҷояшон гирд кард,
В-аз эшон ҳаме ҷуст дармони дард.
Бигуфто: «Маро зуд огаҳ кунед,
Равонро сӯи равшанӣ раҳ кунед».
Ниҳонӣ сухан кардашон хостор
Зи неку бади гардиши рӯзгор,
Ки «Бар ман замона кай ояд ба сар,
Киро бошад ин тоҷу тахту камар?
Гар ин роз бар мо бибояд кушод,
В-агар сар ба хорӣ бибояд ниҳод».
Лаби мӯбадон хушку рухсора тар,*
Забон пур зи гуфтор бо якдигар,*
1 2 3 4 5 6 7 8 9 10 >>> |
