|
Ҷилди I: АНДАР ХОБ ДИДАНИ ЗАҲҲОК ФАРИДУНРО
Ба ором хуфта ту дар хони хеш,
Чӣ дидӣ, бигӯӣ, чӣ омад-т пеш?
Ҷаҳоне саросар ба фармони туст,
Даду деву мардум нигаҳбони туст,
Замин, ҳафт кишвар ба шоҳӣ турост,
Сари моҳ то пушти моҳӣ турост.
Чӣ будӣ, к-аз он сон биҷастӣ зи ҷой?
Ба мо бозгӯй, эй ҷаҳонкадхудой!»
Ба хуршедрӯён сипаҳдор гуфт,
Ки «Ин хобро боз бояд нуҳуфт.
Гар эдун, ки ин достон бишнавед,
Шавадтон дил аз ҷони ман ноумед.»
Ба шоҳи гаронмоя гуфт Арнавоз,
Ки «Бар мо бибояд кушодан-т роз. 1 2 3 4 5 6 7 8 9 10 >>> |