|
Ҷилди I: АНДАР ХОБ ДИДАНИ ЗАҲҲОК ФАРИДУНРО
Дилаш тангтар гашту бебок шуд,
Кушодазабон пеши Заҳҳок шуд.
Бад-ӯ гуфт: «Пардахта кун сар зи бод,
Ки ҷуз маргро кас зи модар назод.
Ҷаҳондор пеш аз ту бисёр буд,
Ки тахти меҳиро сазовор буд.
Фаровон ғаму шодмонӣ шумурд,
Чу рӯзи дарозаш сар омад, бимурд.
Агар бораи оҳанинӣ ба пой,
Сипеҳрат бисояд, намонӣ ба ҷой.
Касеро бувад з-ин сипас тахти ту,
Ба хок андарорад сари бахти ту.
Куҷо номи ӯ Офаридун бувад,
Заминро сипеҳри ҳумоюн бувад. 1 2 3 4 5 6 7 8 9 10 >>> |