|
Ҷилди I: ДОСТОНИ ЗАҲҲОК БО КОВАИ ОҲАНГАР
Биёред донанда оҳангарон,
Яке гурз созанд моро гарон.»
Чу букшод лаб, ҳарду биштофтанд,
Ба бозори оҳангарон тофтанд.
Аз он пеша ҳар кас, ки буд номҷӯй,
Ба сӯи Фаридун ниҳоданд рӯй.
Ҷаҳонҷӯй паргор бигрифт зуд,
В-аз он гурз пайкар бад-эшон намуд.
Нигоре нигорид бар хок пеш
Ҳамэдун ба сони сари говмеш.
Бад-он даст бурданд оҳангарон,
Чу шуд сохта кори гурзи гарон,
Ба пеши ҷаҳонҷӯй бурданд гурз,
Фурӯзон ба кирдори хуршеди бурз.
1 2 3 4 5 6 7 8 9 10 11 12 13 14 >>> |