|
Ҷилди I: ДОСТОНИ ФАРИДУН БО ВАКИЛИ ЗАҲҲОК
Бипаймой ҷому биёрой хон!
Касе к-ӯ ба ромиш сазои ман аст,
Ба базм – андарун дилкушои ман аст,
Биёр, анҷуман кун бари тахти ман,
Чунон чун бувад дархури бахти ман».
Суханҳо чу бишнид з-ӯ Кундрав,
Бикард, ончӣ гуфташ ҷаҳондори нав.
Маи равшан оварду ромишгарон,
Ҳам андархураш богуҳар меҳтарон.
Фаридун чу май хӯрду ромиш гузид,
Шабе кард ҷашне, чунон чун сазид.
Чу шуд бомдодон равон Кундрав,
Бурун омад аз пеши солори нав.
Нишаст аз бари бораи роҳҷӯй,
Сӯи шоҳ Заҳҳок бинҳод рӯй. 1 2 3 4 5 6 7 >>> |