|
Ҷилди I: ФИРИСТОДАНИ ФАРИДУН ҶАНДАЛРО БА ЯМАН
Бад-ӯ гуфт Ҷандал, ки «Хуррам будӣ,
Ҳамеша зи ту дур дасти бадӣ!
Аз Эрон яке кеҳтарам чун шаман,
Паём оварида ба шоҳи Яман.
Дуруди Фаридуни фаррух диҳам,
Сухан ҳарчӣ пурсим, посух диҳам.
Туро офарин аз Фаридуни гурд,
Бузург он касе, к-ӯ надорад-ш хурд.
Маро гуфт, шоҳи Яманро бигӯй,
Ки бар гоҳ то мушк бӯяд, бибӯй.
Ҳамеша тан озод бодат зи ранҷ,
Пароканда ранҷу бароганда ганҷ.
Бидон, эй сари мояи тозиён,
К-аз ахтар бувӣ ҷовидон безиён,
1 2 3 4 5 6 7 8 9 10 11 12 >>> |