|
Ҷилди I: ФИРИСТОДАНИ ФАРИДУН ҶАНДАЛРО БА ЯМАН
Ки ширинтар аз ҷону фарзанду чиз
Ҳамоно, ки чизе набошад баниз.
Писандидатар кас зи фарзанд нест,
Чу пайванди фарзанд пайванд нест.
Ба се дида андар ҷаҳон гар кас аст,
Се фарзанди моро се дида бас аст.
Гиромитар аз дида онро шинос,
Ки дида ба дидан-ш дорад сипос.»
Чӣ гуфт он хирадманди покизамағз,
Куҷо достон зад зи пайванд нағз,
Ки пайванд касро наёростам,
Магар, к-аш беҳ аз хештан хостам.
Хирадёфта марди некисигол,
Ҳаме дӯстиро биҷӯяд ҳамол.
1 2 3 4 5 6 7 8 9 10 11 12 >>> |
