|
Ҷилди I: ФИРИСТОДАНИ ФАРИДУН ҶАНДАЛРО БА ЯМАН
Куҷо аз паси парда пӯшидарӯй
Се покиза дорӣ ту, эй номҷӯй.
Мар он ҳар серо нӯз нокарда ном,
Чу бишнидам ин, шуд дилам шодком,
Ки мо низ номи се фаррухнажод,
Чу андархур ояд, накардем ёд.
Кунун ин гиромӣ ду гуна гуҳар
Баромехт бояд або якдигар.
Се пӯшидарухро се дайҳимҷӯй
Сазо дар сазо кор бегуфтугӯй.
Фаридун паёмам бар ин гуна дод,
Ту посух гузор, он чӣ ояд-т ёд.
Паёмаш чу бишнид шоҳи Яман,
Бипажмурд чун з-оби ганда саман.
1 2 3 4 5 6 7 8 9 10 11 12 >>> |
