|
Ҷилди I: РАФТАНИ СОМ БА ҶАНГИ МЕҲРОБ
Або тахту бо тоҷу гурзи гарон
Або рою бо тоҷдорон сарон.
Нишастам ба Кобул ба фармони ту,
Нигаҳ доштам рою паймони ту.
Бигуфтӣ, ки ҳаргиз наёзорамат,
Дарахте, ки киштӣ, ба бор орамат.
Зи Мозандарон ҳадя ин сохтӣ,
Ҳам аз Гургсорон бад-ин тохтӣ,
Ки вайрон кунӣ кохи ободи ман,
Чунин дод хоҳӣ ҳаме доди ман?
Ман инак ба пеши* ту истодаам,
Тани зинда хашми туро додаам.
Ба арра миёнам ба ду нима кун,
Зи Кобул мапаймой бо ман сухун.
1 2 3 4 5 6 7 8 >>> |