|
Ҷилди I: РАФТАНИ СОМ БА ҶАНГИ МЕҲРОБ
Нишаст аз бари тозиаспи саманд
Чу заррин дурахшанда кӯҳи баланд.
Бузургон ҳама пеши ӯй омаданд,
Ба тимору бо гуфтугӯй омаданд,
Ки «Озурда гаштаст аз ту падар,
Яке пӯзиш овар, макаш ҳеч сар».
Чунин дод посух, к-«Аз ин бок нест,
Саранҷоми мардум ба ҷуз хок нест.
Падар гар ба мағз андарорад хирад,
Ҳамоно сухан бар сухан нагзарад.
Магар то забонро биронад ба хашм,
Пас аз шарм об андарорад ба чашм».
Чунин то ба даргоҳи Сом омаданд,
Кушодадилу шодком омаданд.
1 2 3 4 5 6 7 8 >>> |
