|
Ҷилди I: РАФТАНИ РУСТАМ БА КӮҲИ СИПАНД
Яке дод ҷома, яке зарру сим
Хариданду бурданд бетарсу бим.
Чу шаб тира шуд, Рустами тезчанг
Баророст бо номдорон ба ҷанг.
Сӯи меҳтари бора овард рӯй,
Паси ӯ далерони пархошҷӯй.
Чу огоҳ шуд кӯтволи ҳисор,
Баровехт бо Рустами номдор.
Таҳамтан яке гурз зад бар сараш,
Ба зери замин шуд, ту гуфтӣ, бараш.
Ҳама мардуми диж хабар ёфтанд,
Сӯи разми бадхоҳ биштофтанд.
Шаби тираву теғ рахшон шуда,
Замин ҳамчу лаъли Бадахшон шуда.
Зи бас дору гиру зи бас мавҷи хун,
1 2 3 4 5 6 >>> |
