|
Ҷилди I: РАФТАНИ РУСТАМ БА КӮҲИ СИПАНД
Зи бас дору гиру зи бас мавҷи хун,
Ту гуфтӣ, шафақ з-осмон шуд нагун.
Таҳамтан ба теғу ба гурзу каманд
Сарони далерон саросар биканд.
Чу хуршед аз парда боло гирифт,
Ҷаҳон аз саро то сурайё гирифт.
Ба диж-дар яке тан набуд, з-он гурӯҳ,
Чи кушта, чи аз захм гашта сутӯҳ.
Далерон ба ҳар гӯша биштофтанд,
Бикуштанд, мар ҳар киро ёфтанд.
Таҳамтан яке хона аз хорасанг
Бароварда дид андар он ҷои танг.
Яке дар зи оҳан бар ӯ сохта,
Муҳандис бар он гуна пардохта.
1 2 3 4 5 6 >>> |
