|
Ҷилди I: РАФТАНИ РУСТАМ БА КӮҲИ СИПАНД
Гумонам, ки бошад намак борашон,
Агар пурсадам меҳтар аз корашон.»
Фиристод меҳтар якеро дамон
Ба наздикии меҳтари корвон.
Бад-ӯ гуфт: «Бингар, ки то чист бор,
Биёву маро огаҳӣ деҳ зи кор».
Фуруд омад аз диж фиристода мард,
Бари Рустам омад ба кирдори гард.
Бад-ӯ гуфт, к-«Эй меҳтари корвон,
Маро огаҳӣ деҳ зи бори ниҳон.
Бад-он то ба наздики меҳтар шавем,
Бигӯему гуфтори ӯ бишнавем.»
Ба посух чунин гуфт Рустам бад-ӯй,
Ки «Рав назди он меҳтари номҷӯй,
1 2 3 4 5 6 >>> |