|
Ҷилди I: РАФТАНИ РУСТАМ БА КӮҲИ СИПАНД
Ҳамин гӯяш аз гуфтаҳо як ба як,
Ки дар борамон аст яксар намак.»
Фиристода баргашту омад фароз
Ба наздики он меҳтари сарфароз.
«Яке корвон аст,-гуфто,-тамом,
Намак бор доранд, эй некном.»
Чу бишнид меҳтар, баромад зи ҷой,
Лабаш гашт хандону шодифизой.
Бифармуд, то дар кушоданд боз,
Бад-он то шавад корвон бар фароз.
Чу огоҳ шуд Рустами ҷангҷӯй,
Зи пастӣ ба боло ниҳоданд рӯй.
Чу омад ба наздики дарвоза танг,
Пазира шудандаш ҳама бедиранг.
1 2 3 4 5 6 >>> |
