|
Ҷилди II: ПАЙҒОМИ КОВУС БА ЗОЛ ВА РУСТАМ
Чунин дод посух-ш Рустам, ки роҳ
Дароз асту ман чун шавам кинахоҳ?
Аз ин подшоҳӣ бад-он,- гуфт Зол,–
Ду роҳ асту ҳарду ба ранҷу вубол.
Яке дер боз он ки Ковус рафт
Ва дигар, ки болош бошад ду ҳафт.
Пур аз шеру дев асту пуртирагӣ,
Бимонад бар ӯ чашмат аз хирагӣ.
Ту кӯтоҳ бугзин, шигифтӣ бубин,
Ки ёри ту бошад ҷаҳонофарин.
Агарчи ба ранҷ аст, ҳам бигзарад,
Паи Рахши фаррух варо биспарад.
Шаби тира то баркашад рӯз чок,
Ниёиш кунам пеши Яздони пок.
Магар боз бинам бару ёли ту,
1 2 3 4 5 6 7 8 >>> |
