|
Ҷилди II: ПАЙҒОМИ КОВУС БА ЗОЛ ВА РУСТАМ
Ҳамон аз тани хеш нобуда сер,
Наёяд касе пеши даррандашер.
Кунун ман камарбаставу рафта гир,
Нахоҳам ҷуз аз додгар дастгир.
Тану ҷон фидои сипаҳбад кунам,
Тилисми тани ҷодувон бишканам.
Ҳар он кас, ки зиндаст аз эрониён,
Биёрам, бубандам камар бар миён.
На Аржанг монам, на Деви Сапед,
На Санҷа, на Пӯлоди Ғандӣ, на Бед.
Ба номи ҷаҳонофарин –як Худой,
Ки Рустам нагардонад аз Рахш пой.
Магар дасти Аржанг баста чу санг,
Фиканда ба гардан-ш бар полҳанг.
1 2 3 4 5 6 7 8 >>> |