|
Ҷилди II: ПАЙҒОМИ КОВУС БА ЗОЛ ВА РУСТАМ
Чу аз пандҳои ту ёд оварам,
Ҳаме аз ҷигар сард бод оварам.
Набудам ба фармони ту ҳушманд,
Зи камбихрадӣ бар ман омад газанд.
Агар ту набандӣ бад-ин дар миён,
Ҳама суду сармоя бошад зиён.
Фириста зи Мозандарон рафт зуд
Чу мурғи паранда, ба кирдори дуд.
Чу пӯянда наздики Дастон расид,
Бигуфт, он чи донисту диду шунид.
Чу бишнид, бар тан-ш бидрид пӯст,
Зи душман ниҳон дошт ин, ҳам зи дӯст.
Ба равшандил аз дур бадҳо бидид,
Бар ӯ аз замона чӣ хоҳад расид.
1 2 3 4 5 6 7 8 >>> |
