|
Ҷилди II: РАФТАНИ КОВУС БА МОЗАНДАРОН
Зи девон ба пеш-андараш Санҷа буд,
Ки ҷону дилаш з-он сухан ранҷа буд.
Бад-ӯ гуфт:Рав назди Деви Сапед,
Чунон рав, ки бар чархи гарданда шед.
Бигӯяш, ки омад ба Мозандарон
Ба ғорат аз Эрон сипоҳи гарон.
Ҳама шаҳри Мозандарон сӯхтанд,
Ба ҷанг оташи кина афрӯхтанд.
Ҷаҳонҷӯй Ковусашон пешрав,
Зи лашкар басе ҷангсозони нав.
Кунун гар набошӣ ту фарёдрас,
Набинӣ ба Мозандарон зинда кас.
Чу бишнид пайғом, Санҷа бирафт,
Бари дев фармони шаҳ бурд тафт.
1 2 3 4 5 6 7 8 9 10 11 >>> |
