|
Ҷилди II: РАФТАНИ КОВУС БА МОЗАНДАРОН
Бикуштӣ басеро ба гурзи гарон.
Набудат зи корам магар огаҳӣ,
Шуда ғарра бар тахти шоҳаншаҳӣ?
Кунун он чи андархури кори туст,
Дилат ёфт он орзуҳо, ки ҷуст.
В-аз он наррадевони ханҷаргузор
Гузин кард ҷангӣ даҳу ду ҳазор.
Бар эрониён-бар нигаҳдор кард,
Сари саркашон пур зи тимор кард.
Хуриш додашон андаке ҷонсипӯз
Бад-он, то гузоранд рӯзе ба рӯз.
В-аз он пас ҳама ганҷи шоҳу сипоҳ,
Чи аз тоҷи ёқуту пирӯза гоҳ,
Супурд, он чи дид аз карон то карон,
1 2 3 4 5 6 7 8 9 10 11 >>> |
