|
Ҷилди II: РАФТАНИ КОВУС БА МОЗАНДАРОН
Супурд, он чи дид аз карон то карон,
Ба Аржанг-солори Мозандарон.
Бари шоҳ бар-гуфту ӯро бигӯй,
К-аз Оҳарман акнун баҳона маҷӯй,
Ки ман ҳарчӣ боист, кардам ҳама,
Ба хок оваридам саросар рама.
Ҳама паҳлавонони эронсипоҳ
На хуршед бинанд равшан, на моҳ.
Ба куштан накардам бар ӯ-бар ниҳеб
Бад-он, то бидонад фароз аз нишеб.
Ба зориву сахтӣ барояд-ш ҳуш,
Касе низ нанҳад бар ин кор гӯш.
Чу Аржанг бишнид гуфтори ӯй,
Ба Мозандароншоҳ бинҳод рӯй.
Ҳаме рафт бо лашкару хоста,
1 2 3 4 5 6 7 8 9 10 11 >>> |
