|
Ҷилди II: РАФТАНИ КОВУС БА МОЗАНДАРОН
Бифармуд пас Гевро шаҳрёр,
Дубора зи лашкар гузин кун ҳазор.
Касе к-ӯ гирояд ба гурзи гарон,
Кушояндаи шаҳри Мозандарон.
Ҳар он кас, ки бинӣ зи пиру ҷавон,
Тане кун, ки ӯро набошад равон.
Дар ӯ ҳар чи обод бинӣ, бисӯз,
Шаб овар ҳар он ҷо, ки бошад ба рӯз,
Чунин то ба девон расад огаҳӣ,
Ҷаҳон кун саросар зи ҷоду тиҳӣ.
Камар басту рафт аз бари шоҳ Гев,
Зи лашкар гузин кард гурдони нев.
Бишуд то дари шаҳри Мозандарон,
Биборид шамшеру гурзи гарон. 1 2 3 4 5 6 7 8 9 10 11 >>> |