|
Ҷилди VI: РАФТАНИ БЕЖАН БА ДИДАНИ МАНИЖА —
ДУХТАРИ АФРОСИЁБ
Паёми Манижа ба Бежан бигуфт,
Ду рухсори Бежан чу гул баршукуфт.
Чунин гуфт худкома Бежан бад-ӯй,
Ки «Ман, эй фиристодаи хубгӯй,
Сиёвуш наям, на паризодагон,
Аз Эронам, аз шаҳри озодагон.
Манам Бежани Гев, аз Эрон ба ҷанг
Ба разми гуроз омадам тезчанг.
Сароншон буридан, фикандам ба роҳ,
Ки дандонҳошон барам назди шоҳ.
Чу з-ин базмгаҳ огаҳӣ ёфтам,
Сӯи Геви Гударз наштофтам,
Магар чеҳраи духти Афросиёб
Намояд маро бахти фаррух ба хоб.
1 2 3 4 5 6 7 >>> |
