|
Ҷилди VI: РАФТАНИ БЕЖАН БА ДИДАНИ МАНИЖА —
ДУХТАРИ АФРОСИЁБ
Ҳаме бинам ин дашти ороста,
Чу бутхонаи Чин пур аз хоста.
Агар некроӣ кунӣ, тоҷи зар
Туро бахшаму гӯшвору камар.
Маро сӯи он хубчеҳр оварӣ,
Дилаш бо ман-андар ба меҳр оварӣ».
Чу Бежан чунин гуфт, шуд доя боз,
Ба гӯши Манижа расонид роз,
Ки рӯяш чунин асту боло чунин,
Чунин офаридаш ҷаҳонофарин.
Фиристод посух ҳам андар замон,
К-«Ат омад ба даст, он чӣ бурдӣ гумон,
Ки оӣ хиромон ба наздики ман,
Барафрӯзӣ ин ҷони торики ман. 1 2 3 4 5 6 7 >>> |