|
Ҷилди VI: РАФТАНИ БЕЖАН БА ДИДАНИ МАНИЖА —
ДУХТАРИ АФРОСИЁБ
Ба рухсорагон чун Суҳайли Яман,
Бунафша дамида ба гирди суман,
Кулоҳи ҷаҳонпаҳлавон бар сараш,
Фурӯзон зи дебои румӣ бараш.
Ба парда дарун духти пӯшидарӯй,
Биҷӯшид меҳраш бар он меҳрҷӯй.
Фиристод мар дояро чун наванд,
Ки рав зери он шохи сарви баланд.
Нигаҳ кун, ки он моҳдидор кист,
Сиёвуш магар зинда шуд ё парист?
Бипурсаш, ки чун омадӣ эдаро,
Кӣ овардат эдун бад-ин ҷодаро?
Паризодаӣ, ё Сиёвахшиё,
Ки дилро ба меҳрат ҳаме бахшиё? 1 2 3 4 5 6 7 >>> |