|
Ҷилди I: ХОБ ДИДАНИ СОМ АЗ ҲОЛИ ПИСАР
К-аз инсон бар он кӯҳ мурғ офарид,
Зи хоро сар андар сурайё кашид.
Бидонист, к-ӯ додгар довар аст,
Тавонову аз бартарон бартар аст.
Раҳи баршудан ҷусту кай буд роҳ
Даду домро бар чунин ҷойгоҳ.
Ситоишкунон гирди он кӯҳ-бар
Баромад, зи ҷое надид ӯ гузар.
Ҳаме гуфт, к-«Эй бартар аз ҷойгоҳ,
Зи равшанравону зи хуршеду моҳ.
Ба пӯзиш бари ту сар афкандаам,
Зи тарси ту ҷонро парокандаам,
Гар ин кӯдак аз пок пушти ман аст,
На аз тухми бадгавҳар Оҳарман аст,
1 2 3 4 5 6 7 8 9 10 11 12 13 14 >>> |