|
Ҷилди I: ХОБ ДИДАНИ СОМ АЗ ҲОЛИ ПИСАР
Нигар, то нагӯӣ, ки ӯ зинда нест,
Биёрою бар ҷустанаш - бар биист.
Ки Яздон касеро, ки дорад нигоҳ,
Зи гармову сармо нагардад табоҳ.
Ба Яздон кунун сӯи пӯзиш гирой,
Ки ӯяст некидиҳу раҳнамой.
Бар он буд, ки рӯзи дигар паҳлавон
Сӯи кӯҳи Албурз пӯяд навон.
Чу шаб тира шуд, рои хоб омадаш,
К-аз андешаи дил шитоб омадаш.
Чунон дид дар хоб, к-аз кӯҳи Ҳинд
Дурафше барафрохтандӣ баланд.
Ғуломе падид омадӣ хубрӯй,
Сипоҳи гарон аз паси пушти ӯй.
1 2 3 4 5 6 7 8 9 10 11 12 13 14 >>> |
